ACTUALIDADE • 01/03/2017

Coeduc@ implanta o primeiro Plan de Igualdade para un centro de FP en España

A directora de Coeduc@ impartindo un dos obradoiros no Politécnico de Lugo

A consultora Coeduc@ implantou o primeiro Plan de Igualdade para un centro integrado de formación profesional (CIFP) en España. O Plan executado no Politécnico de Lugo acolleu esta semana os obradoiros dirixidos ao alumnado e ao profesorado do centro.

A noticia foi recollida por El Progreso de Lugo e a televisión pública galega que visitaron o Politécnico para contar de primeira man a execución do primeiro Plan específico de Igualdade na nosa comunidade. 

Os días 20, 21, 22 e 23 de febreiro impartíronse os innovadores obradoiros de Igualdade dirixidos ao alumnado e ao profesorado que fusionaron teatro, dinámicas de grupo, novas tecnoloxías e aprendizaxe cooperativo.

As xornadas destacaron polo bon discurrir e a implicación da comunidade educativa Ao remate do obradoiro un dos alumnos mostrábase entusiasmado: “estou impresionado vou  recordar este obradoiro sempre. Dinme conta que se nos educaran en Igualdade desde cativos poderíamos evitar a violencia de xénero”.

Os obradoiros forman parte da fase de implantación do Plan de Igualdade que ten como obxectivo previr a violencia de xénero e o acoso escolar e mellorar a convivencia no centro educativo. 

O plan, coordinado por Coeduc@ que recibiu un premio á innovación, proponse como obxectivo a creación da primeira rede de centros coeducativos de Galicia, un sistema que xa funciona con éxito en varios países europeos. 

← NOTICIA ANTERIOR NOTICIA SEGUINTE →